Foceting day en Muries
Fai ya unos años que non pasaba por Santibañez de Muries. Dende una temporada que dábame por facer un tipu de cicloturismu que, básicamente, consistía en facer una ruta de carretera circular cerrando el bucle con una travesía pol monte. Asina, miraba el mapa de asturies a ver que carreteres había per ehí.
La carretera que tira pa Muires guaña ehí en Moreda, igual diendo pa S. Isidro vísteis el cruce que paez que sube pa ehí pa la ladera. Pues no, la carretera métese per una regallina entre les montañes que parez que darreu se va cerrar y coge dirección sur, directo pal centru la cordillera.
Tárdase en cruzar el bosque que da pa Muries 10 minutos por una carretera recién arreglá, que parecen mas porque les laderes tan tan empinaes que vas tol tiempu mirando como ye que hay tantu fayeu encolingau.
Al llegar a Santibanes el valle abre y al parar el coche vense les morteres en la parte de la ladera que da pal este, que ye por onde va dir el circuitu. Vese tamién pa esi llau el hotel, que destaca porque ye el edificiu mas nuevu y grande de la aldeina.
Si tirais un poco mas pola carretera, procurando apartar la vista del neveru que hay ehí arriba, al pie del Cellón (2000 y picu), entendeis un poco de que va el valle y toes eses pistes que hay per les llombes, y tos los land-rover escacharraos: en eses laderes pindies cubiertes de fayes ta lleno mines de montaña, que, si los mis informes non tan mal, son les úniques que siguen abiertes de equí pa Villablino.
Comu el mobil non responde, y los foceteadores cunataya que tan pel circuitu, diome tiempu a dar un llargu paseu pel monte onde va tar el circuitu: desde l´hotel cogemos rumbo Este por la caleya pindia que supongo que non parará hasta Coto Bello. Contrariamente a lo que parez, les pistes non son tan pindies, porque la llomba ye tan uniforme que tan trazaes les pistes a placer, faciendo “zetes” ámplies.
El mogollón de senderos que salen a ambos laos fae funcionar la imaxinación: circuitu 10 k, circuitu 20k..., Coto Bello, La Carisa, Vuelta por la parte Norte del Cellón a dir a coyer la pista que va pa les mines... un mundu pa Bikear a placer, un paisaxe sorprendente que deberíeis conocer los que nunca haigais tao ehí.
Propongo mini-concentración enantes de la carrera pa que a los que non vamos a disputar podamos dir a dar un paseu per ehí, aparte del circuitu que de xuru que sal un circuitón 100 mtb.
Informaremos darreu.
